SABAK

Har din ki tarah us din bhi mai auto mai thi..May mahine ki tapti dhup or chandigarh ki anushashit sadke... abhi bas auto liya hi tha ki ye kya !samne ek bas thodi dur aa k ruki.. bahut si bhid utar  rahi thi .. sab apni dhun mai ...kisi ko office jane ki jaldi to kisi ko collage .. usi bhid mai ek ladki bhi utar rahi thi jo us bas se us stop pe utarane wali akhri thi.. ye kya achanak hi uska pair fisla or o sidhi bus k niche gir padi... log aa ja rahe.. kisi ne dekha to kisi ne dekh kar bhi andekha kar diya..us ladki se utha bhi nahi ja raha tha.. darad se o badi mushkil se karahte huy uthi to thi par fir se sadak k kinare ja k jhuki hui halat mai khadi ho gai..mera auto bhi waha se nikal gaya dil mai bahut se khayal aye ..pata nahi kyu bahut galani bhara feel kar rahi thi akhirkar mai bhi usi bhid ka ek hissa thi jisne us ladki ki help nahi ki bus dekha or chali gai ..mai bhi to unlogo mai se hi thi jo bate to badi badi karte hai par wakt mai ye soch kar rah jate hai ki kisi ne bhi to kuch nahi kiya...sara din bus yahi sochti rahi kash mene koi help ki hoti ...kya hota jo mai office late pahuch jati ...kyu ham ain moke pe kisi k kam nahi ate or fir khud se hi bahane lagate hai...chaliye aaj se ham sab mil kar ye kasam khate hai madad chahe choti ho ya badi ghar par ho ya bahar apno ki ho ya dusro ki .. jitna hamse ho sakega ham dusro ka bhi utna khayal rakhenge jitna ki apne ghar k logo ka rakhte hai...